مــدونة أنـــــس بن مــالــك

اعلانات للمدونة
الخميس، مايو 31، 2007

هل تعرفوا اي مواقع اعلانات لأشترك بها و أضع اعلاناتها لدي ..

خصوصا التي لا تشترط وجود فيزا ...

و لا تحتوي علي اي اعلانات اباحية ؟

حاولت الاشتراك باعلانات جوجل .. و كانت النتيجة كما رأيتموها في البوست السابق ...

posted by Anas Emad @ 12:26 ص, , links to this post

اعلانات جوجل !!

حاولت الاشتراك باعلانات جوجل لأضعها بمدونتي ....

و سجلت بعضوية جديدة لديهم ...

منذ أكثر من 3 اسابيع ...

و حين دخلت عليهم باسم الدخول و كلمة السر ...

وجدت ما يلي ..

لا يوجد حساب AdSense له معلومات تسجيل الدخول هذه لأن طلبك قيد المراجعة
حاليا. ففي غضون أسبوع من تاريخ تقديم طلبك، سنقوم بمراجعة طلبك ونرد عليك برسالة
إلكترونية. عندما تتم الموافقة على طلبك للإ نضمام الى AdSense، ستتمكن من
تسجيل الدخول الى حسابك والبدء في استعمال البرنامج.
!!!!!!!!
ما الخطأ في هذا الأمر ؟؟؟
هل تستغرق مدونتي كل هذا الوقت لمراجعة الطلب و فحص المدونة ؟؟؟!!!!!

التسميات: عام, مشاكل تدوينية

posted by Anas Emad @ 12:15 ص, , links to this post

يا معيـــــــــــــــن

اه اه اااااااااااه

ربي قد زاد الانين

أشتكي ضعفي المهين

زادت الشكوي .... زاد الحنين ...

أرتجيك يا إلهي ... يا معـــــــــــــــــــــــــــين ...

قد بكي الليل دموعي ...... اذ بكي قلبي الحزين ...

ربي قد أذنبت ذنبا ........ نادم بك أستعيــــــــــــــــــــــــــن

ربي قد أتيتك تــــــــــائبا منك إليك ......... فارحم اللهم عجزي .... و اعف عن عبد لديك ...

ربي أدعوك وكلي أمل أن تستجيب .....

فهمومي أغرقتني .......

و فــــــــــــؤادي في نــــــــحيب .....

أنت ملجاي الوحيد ....

يا الهي ...

أنت ملجاي الوحيد .... انني اليوم قريب ...

فذنوبي قد لا حقتني ...

ربي قد خفت الوعيد ....

ربي أدعوك و كلي أمل أن تستجيب ... فهمومي أغرقتني .... و فؤادي في نحيب ...

أنقذني يا الهمي ...

قد بكي الليل دموعي ...

---------- ----- -----

لم أجد الا هذه الكلمات لأنشودة الانين لابراهيم سعيد .. من شريط حسافة لاعبر به عن حالتي هذه الأيام ...

و الايام السابقة .... فقد زاد الأنين بداخل قلبي و صدري ...

زاد حزني كثيرا خلال الايام السابقة ...

وكلما اقترب موعد الامتحان ... كلما زاد حزني .... كلما زاد الانين

بكيت حين سمعت تلك الأنشوده .....

فهل أبكتنك ؟

posted by Anas Emad @ 04:33 م, , links to this post

الفهلوة هي الحل

انتهي الجزء الأول من المعركة ... بأقل الخسائر الممكنة ..

و لكني خرجت بأهم حاجة اتعلمتها

الفهلوة هي الحل ...

مش المذاكرة من أول يوم .. ولا حتي الحضور ... و المتابعة .. و تطبيق العملي ....

و من اللحظة ده ... شعاري ..

خليك فهلوي ... تنجح .. بتقدير ...

و كانت تفاصيل الاسبوع السابق ... ساخنة .. مليئة بكثير من الأحداث الفهلوية

بدأت الامتحانات يوم السبت بامتحان انجليزي شفوي ...

و انتهت امتحانات العملي يوم الخميس ..

بامتحان برمجة قواعد بيانات ...

و كان امتحان الشفي بتاع الانجليزي سهل خالص .. مش عارف اي حاجة في المنهج .. ألفت و خمنت معاني الكلمات ...

فكرت .. يمين شمال ... ...كانت اهم حاجة عندي خلال ال7 دقايق قدام الممتحن اني افضل اكلم اي كلام انجليزي ...

والحمد لله .... ألفت جملتين ... مش فاكرعن ايه ؟ .. و معاني الكلمات كانت تقريبية ..

و قرائتي للفقرة اللي قاللي اقراها كانت فظيعة ... بس ربنا ستر ...

و طبعا زي ما كلكم عارفين ... نحن في مصر ... في الوطن العربي .. حتي في مواد التخصص

اي لا وجود لما يسمي امتحانات عملي الا في قلة نادرة من المواد ..

فكانت مادة الصيانة .. امتحان شفوي بس مع تسليم الشيت ... فقط

حيث سألني الدكتور عن مميزات وينوز اكس بي ...

بسرعة تذكرت ... تقطيع النت عن جهازي بكل سهولة ... فقلت ساخرا : نظام الأمان عالي

فهكذا سمعت من قبلي يجاوب عليه .... فاعتمدت علي الفهلوة ... و قلدته ... ...

فقال لي اجابة صح ... اللي بعده ..

و تصميم النظم يوم الاتنين ..

.. ...

لم اكن اعرف اي شيء عن المادة ... حاولت استخدام الفهلوة .. وصلت الكلية متاخرا ...

حاولت أن اعرف عن ماذا سأل من قبلي ... ؟ أخبروني سريعا و انا علي السلم ...

لم أعرف عن ماذا يتكلمون فانا لا اعرف اي شيء في المنهج !! ... حاولت حفظ اي اجابة ... لأي سؤال ...

دخلت معتمدا علي الفهلوة ..

كنا 3 متأخرين ... واحد شاطر جدا و التاني متوسط و صاحبكم الفاشل انا ...

سأل الاول سؤال عن مدخلات النظام .. .. جاوب نص اجابة .. و قال للشاطر كمّل ... فقام مكمل وهو خايف و ملقلق بس اجابة تقريبية ..

كل ده و انا واقف .. مش عارف هم بيكلمه عن ايه ؟

أسكت خالص احسن ملبخ ... ؟

بلاش ياض .. اوعي تسكت .. اكلم اي حاجة ؟

و لا اعمل نفسك سرحان ؟ اوتايه ؟ او مش مركز .. ؟

مممممم مش عارف اعمل ايه ؟

خليك واثق في نفسك ...

- ده كان حوار في داخلي و اللي جنبي بيجاوب ... -

و كان شكلي غريب مرة ... عاوز اسكته و ارفع ايدي كأني شاطر قووي و الاجابة واقفه في زوري ...

و مرة عامل دور عبده الاهبل او عبده سرحان ... و سرحان في مكتب الدكتور .... و شغال اتعمقفي النظر للاشيئ ...

ومرة عامل دور الطالب القلقان قووي و رجليه شغاله تتحرك و تتهزز من القلق .. التوتر ..

كمل يا ابني .. انت معانا ؟ اسمك ايه ؟

انسعمدالدينعباس سكشن2رقم9

ايه ؟ اكلم علي مهلك شوية ... انا مش سامع و لا فاهم حاجة ..

أنس عمــــــاد الدين .. سكشن .. الخ

كمل اجابة زميلك ؟

-و هنا ظهرت فهلوة لأبعد الحدود ....... حتي شطحت بي خارج الحدود ... و شطحت كمان بدرجة الشفوي بتاعتي .. 40 درجة طارت

ندخل المدخلات في جداول بعد ما نعمل لها قواعد البيانات

كلمة من عنوان كل باب في المنهج .... هههه

الدكتور بص لي بصة غريبة ؟

ايه ده ؟

و هنا انقذني الله ..

رن موبايل الدكتور ...

بص لي تاني ... نفس البصة الغريبة العجيبة بس اخف شوية ...

بره .. عاوز اكلم في الموبايل .... مش عاوز حد يدخل تاني ...

الحمد لله ما اخدش باله من اجابتي ...

زمايلي حتي الان مش فاهمين اجابتي كانت ايه ؟ بالظبط .. لاني اخذت كلمة من اجابة الاول علي اجابة التاني و جبت التايهة الاخيرة .....

و البرمجة كانت في نفس اليوم ... برمجة جافا ..

و كنت برده سمعت عنها قبل كده و حضرت محاضرتين بالعافية و تحت الاكراه و كام سكشن ... و ماكنتش فاهم فيها اي حاجة و عمري ماطبقتها عملي ...

حتي الشيت .. ماكنتش عملته ..

شباب .. حد يلحقني باي شيت جاهز اطبعه -

خد اطبع بسرعة بس غير التنسيقات -

- مفيش وقت .. هطبعه زي ماهو -

خلاص .. بس اوعي الدكتور يعرف

وقفت استقبل الطلبة الضحايا السابقين لي ..

هيه .. سأل في ايه ؟

هيسأل عن فكرة كل مسألة في الشيت .. يانهار ابيض ... مغسول ببرسيل

طب انت ياض ... حليت الشيت ازاي ؟ اصل انا طبعه من واحد تاني ..

بس فكرة كل برنامج هي ... ششش .ششششش

طب يعني ايه ؟

قول كده بس .. ملكش دعوة ... خليك مطمن ... كل اللي قبلك عملوا كده ...

دخلت ... مع زمايلي الاولاد في السكشن ..

ايه ده ؟ ايه الشغل ده كله ؟

انت طابع شيتك كمبيوتر ... ؟ كويس ... انت شغال كويس

الكلام ده كان وجه ليّ .

الدكتور ده كان رئيس القسم

ريقي نشف .... هيعرف مش هيعرف .. هيحس مش هيحس ... انا ...غــ شــ ــ ا ِ ش

كويس ... انا يا جماعة بحب الطالب اللي بيشتغل ... و كمان بيطبع كمبيوتر ...

طب قولي ياض .. فكرة البرنامج ده .. كذا ... ده انت ... كذا ..

و جه الدور علي ... سألني في أصعب برنامج ...

نسيت الشباب كانوا قالوا ايه علي البرنامج ده ايه ....

و الله يا دكتور انا مش فاهم البرنامج ده .. بس حفظته من الكتاب و حليته كده ..

ولا يهمك .. انت طالب شاطر ... طب فكرة البرنامج ده ايه ؟ .. باللوب ... هنعمل دوارة يا دكتور ...

اتفضل ...انت شاطر ... اللي بعده

خرجت .. و انا بصووت باعلي صوتي ... خليـــــــــــــــــــــــــــك فهلوي تكسب ..

و جه اصعب امتحان و كان الوحيد اللي فيه عملي ثم تحريري ثم شفهوي ثم تسليم مشروع .... و كان الخميس و كان يوم طويل قوووي

الكل اختار اي مشروع و بدأ في التنفيذ من اسبوعين ... و أنا محتار .. كل يوم مشروع

و أخيرا هعمل برنامج لمغسلة ... يوم... اتنين .. برنامج صعب قووي ... ييييه

رحت اذاكر عند واحد صاحبي .. لقيت عنده ورق الغياب بتاع التحفيظ .. قلت وجدتها .. مشروع قاعدة بيانات للتحفيظ ... و سهلة جداا

و حاولت اعملها ... جدول الغياب .. وقف معايا يوم كامل ..

المهم البرنامج في الاخر كان زي أهبل خالص بتاع اولي يعملو احسن منه ...

و قلت اكمل البرنامج دول اليل .. بوم ... بوووووووم الكهرباء قطعت طول الليل من 10 - 3 و انا قاعد هعيط .... مستني النور يوصل

اتصلت بشركة الكهرباء 5 مرات ... مفيش فايده

النور جه 3 قعدت علي الجهاز حاولت اعمل حاجة ... 5-15 دقيقة .. بحكم ان السرير جنب الكمبيوتر ... اتغطيت بالبطانية و انا بشتغل ...

و شوية ... شديتها قووي و الماوس علي ركبتي تفوق البطانية .. شوية .... خخخخخخ تششششش

نمت ....

صحيت مفزوع علي الساعة 9.30 و امتحاني 9 .. جريت اصوووت ..قلت اكمل ..البرنامج و انا بلبس ... و علي ما البرنامج يفتح اون صليت ..

و افطر في الشارع ...

المهم .. وصلت العملي متأخر كالعادة ...

كعادة اي فهلوي ...

سالت الامتحان شكله ؟ اجابته ؟

قالوا حافظ اكواد الاستيك كيو ال .. لأ طبعا ... خلاص اشتغل عادي بالماوس و اعمل الاستفسار المطلوب بكل بساطة ..

واعمل عرض للاستيك كيو ال ... و كان الحمد لله .. عدي العملي علي خير ...

بس بعد ما كنت اخر واحد .. و اعصابي اتحرقت ...

دخلت التحريري ... احاول افكر في الفكرة .. مش قادر متوتر ... اللي جنبي عرف فكرة مقاربه ..

بكافح بالعافية اني مابصشس في وقته و علي اللي يميني كمان كتب كلام زيه في الورقة ..

فضلت قاعد هعيط ...

بص ... يا عم انت .. كفاية فهلوة ...شغل مخك شوية ..اهدأ و فكر في حل ... لازم اكتب علي الاقل فكرة البرنامج

فضلت لغاية مالكل خرج و اتبقي 5 في المدرج كله ..

عرفت فكرة البرنامج بس المعيد قاللي لا ... ماينفعشي الحل ده ..فكر بطريقة تانية

يييييه ... شوية ركزت .. .. عرفت فكرة الحل ..بس طريقة غبية قووي و طريقة متخلفة .. و بامر في الفيجوال بيزيك لم قمة في البساطه .

و الحمد لله كان صح .. كان لازم اكمل شوية تحابيش ... بتاعت اي برنامج .. قلت ياعم انا مش طماع درجات ..

كفاية يا عم ارهاق ذهني ... انا تعبت ... فكرت بمدة 10 دقايق كفاية قووي

و جه الشفوي وكان عبارة عن تصحيح التحريري قدام عينيك مع فحص مشروعك

.... و جه دوري .. دخلت متاخر كالعادة .. شافت ورقتي ... كويس تستحق 8 من 10 معاك مشروعك ..ايوه

يستحق اني اشوفه .. ايوه .. لاني يا دكتوره عملته في زمن قياسي

فتحت الاسطوانة .. !!! ايه ده ؟؟ هو يا دكتوره قمة في البساطه .. بس فكرته جديدة جدااا و لم تنفذ من قبل ...

كويس ... اتفضل ... الحمد لله ..

انتهي الاسبوع علي خير ...

بعد كفاح فهلوي طويل ...

رغم اني لم افتح اي مادة ....

فعلا ..

الفهلوة هي الحل ...

بس لوحدها لأ ..

بس مع شوية مذاكرة بسيطة ...

ليها نتيجة كويسه قووي ...

اجيلكم باخبار المذاكرة البسيطة ايه ؟

في الاسبوع اللي قبل الامتحانات ؟ ايه ؟؟

posted by Anas Emad @ 05:18 ص, , links to this post

احبابي في كليتي
السبت، مايو 12، 2007

أحبابي في كليتي ...

هم دول أحبابي في كليتي ...

مش دول بس ... ده لسه في كتيير ...

بس دول أفضلهم و أحسنهم ... و أحبهم الي قلبي ..

اخوتي ..

أحبتي ..

حقا

صدقا

أحبــــــكم في الله

و اعذروني و سامحوني ان كنت قد قصرت في حقكم
في خلال السنة السابقة ..

عارف قووي انكم كلكم زعلانين مني قووي

لاني خلال الفترة اللي فاتت قرت في حقي قووي خصوصا في المذاكرة ..
ولاني غالي قووي عندكم وبتخافوا علي قووي ..زعلتم مني قووي

سامحوني ..

واوعدكم احاول و افضل احاول

فرغم اني فاشل ..

بس لسه هناك أمل ..

التدوينة منشورة بواسطة برنامج

التسميات: خواطر, عن جامعتي, كليتي

posted by Anas Emad @ 05:42 م, , links to this post

ZOLO
الأربعاء، مايو 02، 2007

كنت أحس ببعض الملل ففتحت برنامج الانكسكيب وهو المفضل عندي للرسم

أشخبط كالمعتاد
او ابحث عن رسم لكي أقلده او شيء جديد كي أجربه

وجدت صورة كنت التقطتها من احد العاب الفلاش أعجبتني حينها

فحاولت رسمها فكانت هذه النتيجة .....

أسميته زولو ...

و أعجبني جدا كاول شخصية كارتونية أقوم برسمه ....