اول تاج من عند أغلي ناس
الأربعاء، سبتمبر 19، 2007
السلام عليكم و رحمة الله و بركاته
بعد موضوعي اللي فات .. اللي قلت انا عاوز تاج وصلني تاج من سعد خيرت الشاطر و ده اول تاج يوصلني ... علشان كده انا مبسوطة بيه قووي أكتر من الولد ده
نبدأ نجاوت التاج
... اسمك ايه؟؟
أنس عماد الدين
لو قلتلك عرف نفسك .. هتقول ايه؟؟
و ده بالنسبة ليّ من أصعب الاسئلة .. اللي محتاجه اجابة طويــــــلة ..
أنا شاب مميز شوية .. مبدع أحيانا .. غريب بعض الاوقات ...
انا عبارة عن تشكيلة عجيبة من الطباع الاساليب ...
صعب جدا او مستحيل تلاقي نسخة تانية مني ....
يعني اوقات بكون مجرد شاب عادي زي كل الشباب و ببقي مبسوط قووي بكده
و اوقات بكون غريب عن كل اللي حواليّ .. و بحس اني مختلف و غريب عنهم
اما انا المتخلف او هما .. مش عارف ؟
و اوقات بكون عبقري لدرجة عالية قووي و اوقات بكون أغبي من اغبي تلميذ بليد .. :)
واوقات بحب أدوار القيادة .. و بحس اني مميز و ليّ دور مهم لازم أقوم بيه ..
... كل ده في شخص واحد .. هو مين .. ؟
هو .. أنا أنس
ده مجرد تعريف بسيط عني
اسم مدونتك؟؟
مدونة أنس بن مالك ..
ايه الاسم الغريب ده ؟؟ يعني ايه؟؟
( علي اساس ان المدونات دايما اسمائها غريبة و عجيبة )
اسم مدونتي مش غريب و لا عجيب
هو اسم للصحابي اللي انا سُميت علي اسمه ..
سيدنا أنس بن مالك رضي الله عنه ..
و أنا احترت قبل ما اختار الاسم ده ...
و لما لقيت فيه مدونين تانيين اسمهم أنس قلت الاسم ده كويس ..
طيب , ما هو توجهك السياسي؟؟ ولأي جهه تنتمي؟؟
اه دخلنا في الاسئلة التقيلة كده علطوول ... !!
بخصوص التوجه السياسي
يعني انا تبع اي حزب و لا رايي ايه في السياسة الحالية للملوخية التحليلية ..
اممممم
الاول ... انا مع الاسلام هو الحل لكل المشكلات الموجودة و التي لم توجد بعد ...
يعني اي حد يرفع شعار الاسلام هو الحل انا معاه ..
و اي حد يطبق الشعار ده ( ولو لم يعلنه ) انا معاه ..
يعني انا اسلامي
بخصوص لأي جهة تنتمي ..
جهة حي غرب ... :)
و لا جهة الشمال الغربي .... :)
لأ يا عم ..
بص لنكن صريحين قدر الامكان
و اللي يزعل يزعل ...
انا مع نفسي و دماغي و فكري و بس
بسبب طبيعتي الثورية ..
يعني ليّ رايي الخاص بيّ في كثير من الحاجات ...
بس اوقات كتيرة الشوري و راي المجموعة ملزم فبحتفظ برأيي و فكري لنفسي ... و لأولادي من بعدي ...
و أجابة اخري بنتمي للأمة الاسلامية .... بكل ما تعنيه الكلمة من شمولية ... بس مع نفسي في أوقات برده :)
ما رأيك في جماعة الاخوان المسلمين؟؟
اممممم
ناس بتحب ربنا ...
أجمل ما فيهم الحب في الله
و الاصلاح الداخلي باستمرار ...
و الرغبة في التغيير .. باصرار و عزيمة يُحسدون عليها
هم زي شجرة كبيرة قووي مزروعة من زمان
مش بتروي بالمياه زي كل الشجر بس بتروي بالدم دماء الشهداء و الضحايا و المعتقلين ...
علشان كده صعب او مستحيل تخلعها من الارض الطيبة المزروعة فيها ..
ما رأيك في انشاء رابطة تدوينيه تجمع المدونيين؟؟
ده سؤال مهم ...
فيه قولان ..
ناس تقول فكرة كويسه
و ناس تقول فكرة فاشلة ...
اولأ ..
ان كنت رابطة تجمع المدونين الاخوان مثلا ..
: اقرأ تدوينة عبد الرحمن عياش حبيب قلبي بخصوص الموضوع ده
لان رأيي من رأيه في النقطة ده
تدوينة من غير عنوان
فكرة غير ناجحة ...
خصوصا ان غالبية شباب الاخوان داخلين عالم التدوين لانهم بيدوروا علي حرية شوية ...
نيجي احنا نقلهم تعالوا نربطكم في رابطة ..
ثاتيا بخصوص انشاء رابطة تجمع المدونين الاسلاميين مثلا
ممكن تنجح بس تبقي علي دائرة واسعة ... لتضم جميع الاسلاميين ليها
بس ممكن تنجح بشروط
ثالثا لو فيه رابطة للمدونين المصريين
حسب مؤسيي الفكرة .. يمكن تنجح ام لا ؟
المدونين السعوديين عاملين اوسكاب و أدائها معقول لحد كبير ..
نفسي اعرف هم ازاي المصريين ملهومش موقع يلمهم و يضمهم ليه ؟
زي الاردنين و لا الاماراتيين و لا ... ولا ..
مش عارف !!
بس مش عارف هيكون الشرط الوحيد للمجمع ده انك تكون مصري بس ؟
و لا ايه ؟ حتي لو كان اباحي او لعان او فحاش او بهائي او شيوعي او ملحد او يشتم الاديان ؟
لو سمحوا لناس زي ده ... الموضوع ده هيفشل فشل أكيد ..
رابعا : فكرة المدون خانه
تابعتها من زمان ...
و انا مستنيها علشان اشوفها هتنجح و لا لأ ؟
ولو اشرك فيها ناس لسانها بذئ ... مش عارف هي ممكن تفشل و لا تفشل .. و لا علي الاقل هتبقي مكرووهة
ما رأيك في اداء المدونين المصريين مقارنة بالاخريين؟
أداء المصرين معقول
بس من ناحية التدوين التقني مش كويس
يعني بص للمدونين الاماراتين و لا السعودين
التدوين التقني ليه أهميته هناك ...
يكتب دروس مقالات يحط تصميمات .. يكتب اكواد .. الخ
التدوين المصري غالية ما رأيت .. أشعار خواطر صحافة ... حملات .. بس
هو فيه مدونين تقنيين بس قليل جدا و يتعد علي الصوابع ..
و مشهور قووي ان البلوجر حي الغلابة للمصريين
و الووردبريس علي مساحة بفلووس للخليجيين :)
ايه رأيك في المدونات دي؟؟
انا اخوان
مدونة رائعة لصحفي نشيط و كفء ...
يمكن ان نقول انها مدونة صحفية ...
كان من المميز فيها .. متابعتها لأخبار عبد المنعم صاحبها وهو مطارد و معتقل اول بأول بسبق صحفي رائع
انسي
مدونة جماعية رائعة ... كانت بداية لمدونات تانية كتيير لعائلات المعتقلين ...
تتابع الاخبار بشكل صحفي احترافي ..
و تغطية اعلامية ... احترافية صور و فيديو
وراديو المهزلة .. التابع لها متيمز جدا بس لو استمر ...
المدونة كانت خطوة جديدة للدفاع عن المعتقلين بأسلوب جديد ....
و تبعها المزيد من المدونات الاخري ... المشابها لها
تصميم المدونة المتميز و البانر و .. الاعلانات و ... ابداع
تحديث المدونة باستمرار ... تنشيط و دعاية ممتازة لها ..
كل هذا نقط قوة في صالحها ...
هذا سابقا لكنها الان تحتاج الي نقطة تميز أخري ...
اي موقع متميز ان لم يحاول الحفاظ علي تميزه بمحاولة ابداع اي جديد او مميز كل فترة .. سبقته مواقع أخري ...
ممكن يفتحوا قناة خاصة بكل فيديوهاتهم علي يوتيوب .. يعني كأنه تلفزيون اون لاين ... حاجة كويسه ...
ممكن حساب علي الديفان ارت يحطوا فيه ... تصميمات خاصة بيهم و يعملوا جرايد بلغات مختلفة عنهم ..
اي ابداع ... ليحافظوا علي ريادتهم ...
شباب الهلس الفاضي
قصدي جبهة الهلس المش شعبية
بص فيه مدونات بتكتب بالعامية .. عادي
و فيه مدونات بتكتب بالفصحي .. كويس
و فيه مدونات بتجتهد تكتب بالفصحي ... و احيانا بعض العامية .. و ده كتيير قووي
مش بالعامية كأنه بيكلم مش بيكتب ...
ثانيا لغة الحوار و مضمون المواضيع
انا رأيي حاجة لا تفيد و لا تقدم و لا تؤخر ..
يلا هم أحرار ..
مدونة واحد بيحب مصر
مدونة الشاطر ابن الشاطر ... سعد خيرت الشاطر
الوحيد اللي عبرني من كل عالم النت ده و بعت لي التاج ده ...
ربنا يكرمه ....
و يرزقه بتاجات كتيير كويسه :)
و يفك أسر أبوه ...
مدونة كويسه ... بس بتاخد وقت في التحميل
موضوعاتها كويسه بأسلوب كويس ...
..
أكمل باقي الندوينة بعدين ..
posted by Anas Emad @ 03:19 ص,
, links to this post
انا عاوز تاج
الجمعة، سبتمبر 14، 2007
بمناسبة رجوعي لعالم التدوين
بنادي بأعلي صوتي زي مجدي سعد .. اللي كان عامل تدوينة بعنوان ... أنا عاوز تاج ..
يا شباب أنــــا عـــاوز تــــــــــــــــــــــاج
زي ده مثلا :)
^_^
و هقول تاني اللي عاوز يبعت لي تاج
اما يبعت لينك التاج علي الايميل بتاعي
anas.emad@gmail.com
او يكتب تعليق عندي يقولي لي ان عندي تاج عنده ..
و عاوز تاج جااااامد يا شباب ...
معني كلمة تاج علشان مفيش حد يتحجج
خش علي التدوينة دي من عند نجوم الحيرة وهاتعرف اصل كلمة تاج وازاي اتحورت عندنا "
========= تحديث
بعد ما كتبت التدوينة ده من يومين توقعت اني هلاقي فيضان تاجات بتتحدف من كل مكان عليّ
:( بس باين مفيش حد بيستفيد منها أصلا
ده اذا كان فيه حد أصلا بيتابع المدونة ده ..
طب حتي اي تعليق
علي العموم أنا قرررت كام قرار كده بسبب الموضوع ده
1- اني هاستني اسبوع من تاريخ التدوينة ..
1- اذا لقيت تاج اتبعت
*- أجاوب عليه و أكمل تدوين طبيعي زي كل الشباب .. ويبقي فيه ناس بتابع ولو من بعيد
2- لو مفيش تاج اتبعت ... (و ده اللي انا متوقعه )
ممكن اعمل الآتي :
1 - اما هكمل تدوين عادي و كأن مفيش حاجة حصلت .... بس مش هقدر
2 - اما هاكمل تدوين بس هاقفل التعليقات و أكتفي بالتدوين فقط ... احتمال كبير
3- هابطل تدوين خالص ... ممكن
4- هاشوف اي تاج مرمي علي مدونة ... و اقوم ابعته لنفسي و أجاوب عليه
فكرة جديدة ..
5- أؤلف تاج من دماغي و أجاوب عليه و أبعته للناس .. :) جديدة بس صعبة
علي العموم أنا بالانتظار و القرار يعود لكم ...
بنادي بأعلي صوتي زي مجدي سعد .. اللي كان عامل تدوينة بعنوان ... أنا عاوز تاج ..
يا شباب أنــــا عـــاوز تــــــــــــــــــــــاج
زي ده مثلا :)
^_^
و هقول تاني اللي عاوز يبعت لي تاج
اما يبعت لينك التاج علي الايميل بتاعي
anas.emad@gmail.com
او يكتب تعليق عندي يقولي لي ان عندي تاج عنده ..
و عاوز تاج جااااامد يا شباب ...
معني كلمة تاج علشان مفيش حد يتحجج
خش علي التدوينة دي من عند نجوم الحيرة وهاتعرف اصل كلمة تاج وازاي اتحورت عندنا "
========= تحديث
بعد ما كتبت التدوينة ده من يومين توقعت اني هلاقي فيضان تاجات بتتحدف من كل مكان عليّ
:( بس باين مفيش حد بيستفيد منها أصلا
ده اذا كان فيه حد أصلا بيتابع المدونة ده ..
طب حتي اي تعليق
علي العموم أنا قرررت كام قرار كده بسبب الموضوع ده
1- اني هاستني اسبوع من تاريخ التدوينة ..
1- اذا لقيت تاج اتبعت
*- أجاوب عليه و أكمل تدوين طبيعي زي كل الشباب .. ويبقي فيه ناس بتابع ولو من بعيد
2- لو مفيش تاج اتبعت ... (و ده اللي انا متوقعه )
ممكن اعمل الآتي :
1 - اما هكمل تدوين عادي و كأن مفيش حاجة حصلت .... بس مش هقدر
2 - اما هاكمل تدوين بس هاقفل التعليقات و أكتفي بالتدوين فقط ... احتمال كبير
3- هابطل تدوين خالص ... ممكن
4- هاشوف اي تاج مرمي علي مدونة ... و اقوم ابعته لنفسي و أجاوب عليه
فكرة جديدة ..
5- أؤلف تاج من دماغي و أجاوب عليه و أبعته للناس .. :) جديدة بس صعبة
علي العموم أنا بالانتظار و القرار يعود لكم ...
التسميات: تدوين
posted by Anas Emad @ 01:31 ص,
, links to this post
بتسامات بكسل Pxll Smiles V 1.0
الخميس، سبتمبر 06، 2007
مجموعة ابتسامات بكسل الاصدار الاول ...
رابط الموضوع ..
لرؤيتها بحجم أكبر اضغط هنــــا
رابط التصميم بالديفان ارت ..
أتمني ان تعجبكم .....
رابط الموضوع ..
لرؤيتها بحجم أكبر اضغط هنــــا
رابط التصميم بالديفان ارت ..
أتمني ان تعجبكم .....
posted by Anas Emad @ 03:38 م,
, links to this post
شرح مبسط و سريع لبرنامج الانكسكيب Inkscape
السلام عليكم
اخوتي و أحبابي زوار المدونة ...
و انا ابحث في جوجل عن المواضيع التي بالعربية التي تتحدث عن البرنامج ...
وجدت بمدونة الدكتور نت ..
تتحدث عن البرنامج ...
فرحت جدا بمقاله الاكثر من رائع ...
و اذا بي أفاجي في اخر المقال بأنه يذكر اسمي كأول مدونة عربية تتحدث عن البرنامج
شعرت بالفخر و أي فخر ...
مما شجعني علي نشر الدرس الجديد الذي تعبت فيه كثيرا ..
فنكلمة لموضوعي السابق
ابسط و أقوي برنامج رسم vector art و ال 3d الانكسكيب inkscape
أضع بين أيديكم اليوم هذه الشرح البسيط لأدوات البرنامج ...
لرؤية الصورة كبيرة ... اضغط عليها ..
و أحب أن أذكركم ان البرنامج لرسم الفيكتور
مثل اللوجوهات و الايقونات او الرسم بخط اليد calligraphics او لرسم الصور الكرتونية ...
أتمني ان تستفيدوا بالدرس ...
و أنتظر أسئلتكم ...
اخوتي و أحبابي زوار المدونة ...
و انا ابحث في جوجل عن المواضيع التي بالعربية التي تتحدث عن البرنامج ...
وجدت بمدونة الدكتور نت ..
تتحدث عن البرنامج ...
سلسلة البرنامج المجانية : InkScape
فرحت جدا بمقاله الاكثر من رائع ...
و اذا بي أفاجي في اخر المقال بأنه يذكر اسمي كأول مدونة عربية تتحدث عن البرنامج
شعرت بالفخر و أي فخر ...
مما شجعني علي نشر الدرس الجديد الذي تعبت فيه كثيرا ..
فنكلمة لموضوعي السابق
ابسط و أقوي برنامج رسم vector art و ال 3d الانكسكيب inkscape
أضع بين أيديكم اليوم هذه الشرح البسيط لأدوات البرنامج ...
لرؤية الصورة كبيرة ... اضغط عليها ..
و أحب أن أذكركم ان البرنامج لرسم الفيكتور
مثل اللوجوهات و الايقونات او الرسم بخط اليد calligraphics او لرسم الصور الكرتونية ...
أتمني ان تستفيدوا بالدرس ...
و أنتظر أسئلتكم ...
posted by Anas Emad @ 01:55 ص,
, links to this post
بعد انقطاع
الثلاثاء، سبتمبر 04، 2007
التسميات: أخباري
posted by Anas Emad @ 05:13 ص,
, links to this post
