و اخيرا قررت

السلام عليكم و رحمة الله و بركاته

زي ما وعدتكم في التدوينة اللي فاتت بتدوينة يوم 23 ابريل يوم الخميس

هحدد فيها ايه هي المهنة اللي اختارها مهنة حياتي
و انا اخترت مصمم ويب و التدريب في مجال الـ IT و مجال تصميم المواقع

و حطيت هدف قدامي اني

اكون مصمم ويب محترف

انا عارف اني اترددت كتيييييير قوي

بس اللي ساعدني النهارده قوي في اختياري ده اللي كان نابع من داخلي و كنت بفكر فيه بقالي يومين بالظبط

و بحاول اتخيل مهنتي ايه بعد 5 سنين

السيد جمال -سايكو -

اتصلت بيه و رحت زرته و قعدت اتناقش معاه اكتر من ساعتين كاملتين

و كان معايا نسخة من السي في بتاعتي و غالبية شغلي

وصلنا في اخر النقاش لنقاط و معلومات كتيرة جدا و مفيدة انا استفدت قوي بمعلومات اول مرة اشوفها

و عرفت ازاي اعمل سي في صح ليّ بنفسي


اول احس ان فيه حد فاهمني و بيناقشني بموضوعية و بدون اي حساسية خالص و بدون اي مجاملة

و بدون ما يدمرني او يخسف بامكانياتي الارض

بجد انا مبسوط بالزيارة ده لسايكو و فعلا كان لازم الزيارة ده تكون من زمان


بس الحمد لله انا كنت رايح لسايكو و انا حاسم امري بنسبة 60 % في المائة من ذاتي و قراري الداخلي

و بناءا علي نقاشي معاكم يا زوار المدونة في تعليقاتكم في التدوينة بتاعتي بتاعت متلازمة ما قبل التخرج و نقاشي علي الايميل مع كل اصدقائي في كل حتة في العالم : طنطا - كفر الزيات - اسكندرية اجدع ناس - السنبلاوين - القاهرة و شوية اصحاب بره مصر

و مع كل من قابلت حتي سواقين التاكسي و موجه التربية العملي و كل من قابلت او عرفت

و صاحبي السيد حماد طلعت عينيه الاسبوع اللي فات كله نقاش ليل نهار معاه في النقطة ده ربنا يكرمه كان مستحملني ليل نهار رغي رغي و نقاش و تفكير


اشوف وشكم بخير ان شاء الله و انتظروا مفاجأة مني خلال يومين بالكتييييييييير
Powered by ScribeFire.