حاجة تنرفز

السلام عليكم

بعد ما شغلت موقعي و كنت بفرج واحد صاحبي عليه امبارح في السيبر ابص الاقي التمبلت بايظ قوي

و للأسف ما كنشي عنده الا اسوأ و اغبي متصفح اتعاملت معاه زفتبلورر

فأقل واجب عملت البانر اللذيذ ده

ثانيا : امبارح موقف زي الفل هتضحكوا علي نفسكم لو عرفتم الموقف

نفس صاحبي اللي فات و انا قاعد معاه بيفرجني علي كام موقع رياضي عاجبينه علشان اعمل له واحد زيه

و انا شغال اتفرج و اقارن التصاميم المتخلفة و الحلوة و السكربتات المستخدمينها
المهم

فيه موقع كان عندي فضول اعرف معمول بسكربت ايه و استنتجت انه جملة و مستخدم اضافة لمحركات البحث بتخلي كل الروابط html

المهم فكرت احط بعد اسم الموقع ادخل علي فلودر الادمن و منه اعرف
www.site.com/administrator
ما دخلشي قلت يبقي مش مستخدم مجلة جملة joomla او مستخدمها ولاعب فيها قوي
قلت اجرب حاجة تانية مشهورة
www.site.com/admin
ابص الاقيه دخل

يالهوي

ابص الاقي مستخدم سكربت vivvo
و كل اللي اعرفه انه سكربت روسي قوي بفلوس مش بلوشي يعني اكيد اكيد الموقع جايب نسخة منزوعة الكود وووااعجبي !!!


ضربت في نافوخي ادخل يوزر و باسوورد

admin
123456

يالهووووووووووووووووووووووي


لقيت نفسي جوه لوحة التحكم

تخيل بقي مشاعرك ساعتها بقي و تخيل الموقف اصلا

صاحبي اتصدم و انا هههههههههههههههه وقعت من الضحك

طبعا قعدت اتفسح جوه لوحة التحكم و ياجمالها

انا ساعتها اول مرة احس بأهمية الباسوورد

المهم لو انت مكاني هتعمل ايه ؟

انا فكرت اني اغير الباسوورد و اعمل واحده جديدة

‏‪ ‫و اتصل بادارة الموقع ابلغهم بالخطأ و بالباسوورد الجديد

اشوف وشكم بخير